pe7:1.1 Jhānaṁ virāgo.
BAGIAN 1
pe7:1.2 Cattāri jhānāni vitthārena kātabbāni.
pe7:1.3 Tāni duvidhāni;
pe7:1.4 bojjhaṅgavippayuttāni ca bojjhaṅgasampayuttāni ca.
pe7:1.5 Tattha bojjhaṅgavippayuttāni bāhirakāni, bojjhaṅgasampayuttāni ariyapuggalāni.
pe7:1.6 Tattha yena cha puggalamūlāni tesaṁ nikkhipetvā rāgacarito, dosacarito, mohacarito, rāgadosacarito, rāgamohacarito, dosamohacarito, samabhāgacarito, iti imesaṁ puggalānaṁ jhānaṁ samāpajjitānaṁ pañca nīvaraṇāni paṭipakkho tesaṁ paṭighātāya yathā asamattho tīṇi akusalamūlāni niggaṇhāti.
pe7:1.7 Lobhena akusalamūlena abhijjhā ca uddhaccañca uppilavataṁ alobhena kusalamūlena niggaṇhāti, kukkuccañca vicikicchā ca mohapakkho, taṁ amohena niggaṇhāti.
pe7:1.8 Doso ca thinamiddhañca dosapakkho, taṁ adosena niggaṇhāti.