pe6:7.1 Tattha katame satta bojjhaṅgā?
BAGIAN 7
pe6:7.2 Satisambojjhaṅgo yāva upekkhāsambojjhaṅgo.
pe6:7.3 Tattha katamo aṭṭhaṅgiko maggo?
pe6:7.4 Sammādiṭṭhi yāva sammāsamādhi.
pe6:7.5 Tattha aṭṭhaṅgiko maggoti khandho sīlakkhandho ca samādhikkhandho ca paññākkhandho ca.
pe6:7.6 Tattha yā ca sammāvācā yo ca sammākammanto yo ca sammāājīvo, ayaṁ sīlakkhandho.
pe6:7.7 Yā ca sammāsati yo ca sammāvāyāmo yo ca sammāsamādhi, ayaṁ samādhikkhandho.
pe6:7.8 Yo ca sammāsaṅkappo yā ca sammādiṭṭhi, ayaṁ paññākkhandho.
pe6:7.9 Evaṁ tāyo tisso sikkhā.
pe6:7.10 Evaṁ tīhākārehi dasa padāni …pe….