pe6:22.1 Tattha pañcakkhandhā cattāri attabhāvavatthūni bhavanti.
BAGIAN 22
pe6:22.2 Yo rūpakkhandho, so kāyo attabhāvavatthu.
pe6:22.3 Yo vedanākkhandho, so vedanā attabhāvavatthu.
pe6:22.4 Yo saññākkhandho ca saṅkhārakkhandho ca, te dhammā attabhāvavatthu.
pe6:22.5 Yo viññāṇakkhandho, so cittaṁ attabhāvavatthu.
pe6:22.6 Iti pañcakkhandhā cattāri attabhāvavatthūni.
pe6:22.7 Tattha kāye “asubhe subhan”ti.
pe6:22.8 Vipallāso bhavati.
pe6:22.9 Evaṁ vedanāsu …
pe6:22.10 citte …
pe6:22.11 dhammesu ca attavipallāso bhavati.
pe6:22.12 Tattha catunnaṁ vipallāsānaṁ samugghātanatthaṁ bhagavā cattāro satipaṭṭhāne deseti paññapeti kāye kāyānupassī viharato “asubhe subhan”ti.
pe6:22.13 Vipallāsaṁ samugghāteti, evaṁ vedanāsu, citte, dhammesu ca kātabbaṁ.