pe5:77.1 Tattha rāgavasena viññāṇassa calitaṁ sapariggaho, tasmiṁ calite asati yo parikilesopacāro tividho aggi paṭippassaddho bhavati.
BAGIAN 77
pe5:77.2 Tenāha calite asante passaddhi hoti.
pe5:77.3 Tattha yaṁ samāropanā passaddhakāyo sukhaṁ vedeti, sukhino cittaṁ samādhiyati.
pe5:77.4 Yāva vimuttitamiti ñāṇadassanaṁ bhavati.
pe5:77.5 So āsavānaṁ khayā ca vimutti no upapajjati.
pe5:77.6 Tassa upapattissa āgatigatiyā asantiyā nevidha na huraṁ na ubhayamantarena.
pe5:77.7 Esevanto dukkhassāti anupādisesā nibbānadhātu.
pe5:77.8 Idamassa suttassa majjhe samāropitaṁ paṭiccasamuppāde ca vimuttiyaṁ ca yogo na ca etaṁ tassa saṅkhittena bhāsitassa vitthārena atthaṁ vibhajjanti.
pe5:77.9 Ayaṁ vuccate samāropano hāro.
pe5:77.10 Na ca saṅkilesabhāgiyena suttena saṅkilesabhāgiyo ye ca dhammā samāropayitabbā nāññe.
pe5:77.11 Evaṁ vāsanābhāgiye nibbedhabhāgiye, ayaṁ samāropano hāro.
pe5:77.12 Ime soḷasa hārā.