pe5:73.1 Tattha avijjāya hetu ayoniso manasikāro paccayo hoti.
BAGIAN 73
pe5:73.2 Tattha abhicchedo ayaṁ tattha tatiyaṁ balaṁ nivatti, ayaṁ paṭisandhi.
pe5:73.3 Tattha punabbhavo yo avecchedo asamugghātanaṭṭhena ayaṁ anusayo.
pe5:73.4 Yathā paṭākaṁ vā sāṭakaṁ vā dve janā pīḷesu ca ekā vā balaṁ vā assa nivāṭassesu, na pana pīḷesu soseyya.
pe5:73.5 Tattha yaṁ sinehā āpodhātu anupullanā sosetabbā.
pe5:73.6 Uṇhadhātumāgamma sace puna taṁ ākāse nikkhipeyya taṁ ussāvena yebhuyyataraṁ sinehamāpajjeyya, na hi anāgamma tejodhātuṁ parisesaṁ gaccheyya.
pe5:73.7 Evameva bhavaggaparamāpi samāpatti na anurūpassa samugghātāya saṁvattati.
pe5:73.8 Te hi ālayanti sammasanti, na ca taṇhāya taṇhāpahānaṁ gacchanti.
pe5:73.9 Tattha so asamugghāto.
pe5:73.10 Avijjāya anusayo ca cittassa sampalibodho, idaṁ pariyuṭṭhānaṁ.
pe5:73.11 Yathābhūtaṁ viññāṇassa appaṭivedho ayaṁ avijjāāsavo avijjāviññāṇabījaṁ bhavati.
pe5:73.12 Yaṁ bījaṁ so hetu na samucchijjati, asamucchijjanto paṭisandehati.
pe5:73.13 Paṭisandahanto na samugghātaṁ gacchati.
pe5:73.14 Asamugghātaṁ cittaṁ pariyonahati, pariyonaddhacitto yathābhūtaṁ nappajānāti, iti saññāṇassa sāsavattho, avijjattho, hetuattho, avacchedattho, anivattiattho, phalattho paṭisandhiattho, punabbhavattho, asamugghātattho, anusayattho, pariyuṭṭhānattho, apaṭivedhanattho.
pe5:73.15 Ettāvatā avijjāya khettaṁ niddiṭṭhaṁ bhavati.
pe5:73.16 Ayaṁ vuccate parikkhāro nāma hāro.