5. Hāravibhaṅgapañcamabhūmi

pe5:65.1 Tattha kiṁ nānākaraṇaṁ, hetussa ca paccayassa ca?

pe5:65.2 Sabhāvo hetu, parabhāvo paccayo.

pe5:65.3 Parabhāvassa paccayo hetupi, sabhāvassa hetuyā parabhāvassa kassaci paccayo avutto hetu, vutto paccayo.

pe5:65.4 Ajjhattiko hetu, bāhiro paccayo.

pe5:65.5 Sabhāvo hetu, parabhāvo paccayo.

pe5:65.6 Nibbattako hetu, paṭiggāhako paccayo.

pe5:65.7 Nevāsiko hetu, āgantuko paccayo.

pe5:65.8 Asādhāraṇo hetu, sādhāraṇo paccayo.

pe5:65.9 Ekoyeva hetu, aparāparo paccayo.