pe5:49.1 Yathā āyasmā sāriputto ekamhi vatthumhi vevacanena nānāvuttena bhagavatā pasaṁsito “mahāpañño sāriputto hāsapañño javanapañño”ti idaṁ paññāya vevacanaṁ.
BAGIAN 49
pe5:49.2 Yathā ca maggavibhaṅge niyyānattho ekamekaṁ maggaṅgaṁ vevacanehi niddiṭṭhaṁ.
pe5:49.3 Evaṁ avijjāya vevacanā.
pe5:49.4 Ekaṁ akusalamūlaṁ tadeva santaṁ tesu tesu janapadesu tena tena pajānanti.
pe5:49.5 Na hi anena tadevapi ālapiyanti aññaṁ bhajati.
pe5:49.6 Sabbakāmajahassa bhikkhunoti kāmā ālapitā.
pe5:49.7 Yassa nitthiṇṇo saṅkoti teyeva kāme saṅkāti ālapati.
pe5:49.8 Suṇamānassa puretaraṁ rajjanti teyeva kāme rajjanti ālapati.
pe5:49.9 Evaṁ suttamhi yo dhammo desiyati tassa pariyeṭṭhi “katamassa dhammassa idaṁ nāmaṁ katamassa idaṁ vevacanan”ti.
pe5:49.10 Sabbaññū hi yesaṁ yesaṁ yā nirutti hoti, yathā gāmi tena tena desetīti tassa vevacanaṁ pariyesitabbaṁ.
pe5:49.11 Ayaṁ vevacano hāro.