pe5:43.1 Tattha alliyanāya ajjhattavāhanaṁ kāmāsavassa lakkhaṇaṁ.
BAGIAN 43
pe5:43.2 Patthanaganthanaabhisaṅkhārakāyasaṅkhāraṇaṁ bhavāsavassa lakkhaṇaṁ, abhiniveso ca parāmāso ca diṭṭhāsavassa lakkhaṇaṁ.
pe5:43.3 Appaṭivedho dhammesu asampajaññā ca avijjāsavassa lakkhaṇaṁ.
pe5:43.4 Ime cattāro āsavā cattāri upādānāni.
pe5:43.5 Kāmāsavo kāmupādānaṁ, bhavāsavo bhavupādānaṁ, diṭṭhāsavo diṭṭhupādānaṁ, avijjāsavo attavādupādānaṁ, imehi catūhi upādānehi pañcakkhandhā.
pe5:43.6 Tattha avijjāsavo citte pahātabbo, so citte cittānupassissa pahīyati.
pe5:43.7 Diṭṭhāsavo dhammesu pahātabbo, so dhammesu dhammānupassissa pahīyati.
pe5:43.8 Bhavāsavo āsattiyā pahātabbo, so vedanāsu vedanānupassissa pahīyati.
pe5:43.9 Kāmāsavo pañcasu kāmaguṇesu pahātabbo, so kāye kāyānupassissa pahīyati.
pe5:43.10 Tattha kāyānupassanā dukkhamariyasaccaṁ bhajati.
pe5:43.11 Vedanānupassanā pañcannaṁ indriyānaṁ paccayo sukhindriyassa dukkhindriyassa somanassindriyassa domanassindriyassa upekkhindriyassa, sattakilesopacāro tena samudayaṁ bhajati.
pe5:43.12 Citte cittānupassanā nirodhaṁ bhajati.
pe5:43.13 Dhammesu dhammānupassanā maggaṁ bhajati.
pe5:43.14 Tenassa catūsu ca dassanena tasseva sabbe pahīyanti, yena niddiṭṭhā paṭhamaṁ unnaḷānaṁ pamattānaṁ tesaṁ vaḍḍhanti āsavā.
pe5:43.15 Jānato hi passato āsavānaṁ khayo dukkhaṁ samudayo nirodho maggo hi akusalā dhammā.
pe5:43.16 Evaṁ pariyesitabbā.
pe5:43.17 Yāva tassa akusalassa gati tato paṭipakkhena akusale dhamme pariyesati tesaṁ kilesānaṁ hārena āvaṭṭati.
pe5:43.18 Ayaṁ vuccate āvaṭṭo hāro.
pe5:43.19 Evaṁ sukkāpi dhammā pariyesitabbā.
pe5:43.20 Akusaladhamme āgamissa.