pe5:27.1 Tattha pañca kāmaguṇā kāmarāgassa padaṭṭhānaṁ.
BAGIAN 27
pe5:27.2 Yesaṁ kesañci kāmarāgo uppajjati uppanno vā uppajjissati vā, etesu yepi pañcasu rūpesu āyatanesu nāññatra etehi kāmarāgassa padaṭṭhānanti.
pe5:27.3 Vuccate, tena pañca kāmaguṇā kāmarāgassa padaṭṭhānaṁ.
pe5:27.4 Pañcindriyāni rūparāgassa padaṭṭhānaṁ.
pe5:27.5 Manindriyaṁ bhavarāgassa padaṭṭhānaṁ.
pe5:27.6 Pañcakkhandhā sakkāyadiṭṭhiyā padaṭṭhānaṁ.
pe5:27.7 Ekasaṭṭhi diṭṭhigatāni diṭṭhirāgassa padaṭṭhānaṁ.
pe5:27.8 Kāmadhātu kāmarāgassa padaṭṭhānaṁ.
pe5:27.9 Arūpadhātu arūparāgassa padaṭṭhānaṁ.
pe5:27.10 Sukhasaññā kāmarāgassa padaṭṭhānaṁ.
pe5:27.11 Byāpādasaññā byāpādassa padaṭṭhānaṁ.
pe5:27.12 Asampajaññatā sammohassa padaṭṭhānaṁ.
pe5:27.13 Nava āghātavatthūni byāpādassa padaṭṭhānaṁ.
pe5:27.14 Navavidhaṁ mānaṁ mānassa padaṭṭhānaṁ.
pe5:27.15 Sukhā vedanā rāgānusayassa padaṭṭhānaṁ.
pe5:27.16 Dukkhā vedanā paṭighānusayassa padaṭṭhānaṁ.
pe5:27.17 Adukkhamasukhā vedanā avijjānusayassa padaṭṭhānaṁ.
pe5:27.18 Attavādupādānañca musāvādo ca lobhassa padaṭṭhānaṁ.
pe5:27.19 Pāṇātipāto ca pisuṇavācā ca pharusavācā ca byāpādassa padaṭṭhānaṁ.
pe5:27.20 Micchattañca samphappalāpo ca mohassa padaṭṭhānaṁ.
pe5:27.21 Bhavaṁ bhogañca vokāro ahaṅkārassa padaṭṭhānaṁ.
pe5:27.22 Bāhirānaṁ pariggaho mamaṅkārassa padaṭṭhānaṁ.
pe5:27.23 Kāyassa saṅgaṁ diṭṭhiyā padaṭṭhānaṁ.
pe5:27.24 Kāyikadoso dosassa padaṭṭhānaṁ.
pe5:27.25 Kāyikakāsāvo lobhassa padaṭṭhānaṁ.
pe5:27.26 Yo yo vā pana dhammo yena yena ārammaṇena uppajjati saccādhiṭṭhānena vā dhammādhiṭṭhānena vā anusayanena vā, so dhammo tassa padaṭṭhānaṁ.
pe5:27.27 Tena sārammaṇena so dhammo uppajjati.