pe5:15.1 Yathā devatā bhagavantaṁ pucchati “catucakkaṁ navadvāran”ti gāthā.
BAGIAN 15
pe5:15.2 Tattha bhagavā visajjeti “chetvā naddhiṁ varattaṁ cā”ti gāthā, idaṁ bhagavā dukkhanirodhagāminiṁ paṭipadaṁ visajjeti.
pe5:15.3 Imāya visajjanāya bhagavā anumīyati kilese ettha purimāya gāthāya niddisitabbena.
pe5:15.4 Taṁ hi catucakkanti cattāro vā hatthapādā.
pe5:15.5 Navadvāranti nava vaṇamukhāni.
pe5:15.6 Yathā catucakkanti cattāro upādānā, upādānappaccayā bhavo, upādānanirodhā bhavanirodho.
pe5:15.7 Navadvāranti nava mānavidhā, mānajātikāya hi dukkhaṁ seyyenamhi paraso tīṇi tikāni puṇṇaṁ.
pe5:15.8 Tikena saṁyuttaṁ hi pañcakāmaguṇiko rāgo.
pe5:15.9 Tattha naddhīti taṇhā visajjīyati.
pe5:15.10 Varattanti mānaṁ visajjeti, icchā lobho ca pāpakoti pañcakāmaguṇiko rāgo.
pe5:15.11 Tattha visamalobho pāpakoti niddisiyati samūlataṇhanti.
pe5:15.12 Aññāṇamūlakā taṇhāti aññāṇamūlakā taṇhā, taṇhāya ca diṭṭhiyā ca pahānaṁ.
pe5:15.13 Ye ca puna aññepi keci catucakkayogena teneva kāraṇena ca yujjanti, saṁsāragāmino dhammā sabbe niddisitabbā.
pe5:15.14 Tatthāyaṁ gāthā visajjanā pucchāya ca visajjanāya sameti.
pe5:15.15 Yaṁ yadi sandena atha saha byākaraṇena anugītiyaṁ ca so vicayoti bhagavā yattakāni padāni nikkhipati, tattakehi anugāyati.