pe5:14.1 Kenassu tarati oghanti gāthā, imāni cattāri padāni.
BAGIAN 14
pe5:14.2 Cattāroyeva pañhā.
pe5:14.3 Kiṅkāraṇaṁ, na hi ettha atthānuparivatti byañjanaṁ yathā paṭhamaṁ ajitapañhesu, tassa na ekaṁsena bahūni visajjanāni, bahukā pañhā, ekova na cāpi, sabbe pucchati, pubbe visajjito, yathā catuttho ajitapañhe, yaṁ ettha yathābhūtaṁ pariyesanāpadabandhena visajjanāyo evaṁ yathābhūtaṁ pariyesati.
pe5:14.4 Yo puna ettha yaṁ evaṁ pucchati tattha ayamākāro pucchanāyaṁ antojaṭā bahijaṭāti gāthā pucchitavisajjanāya maggitabbā.
pe5:14.5 Kathaṁ visajjitāti bhagavāti visajjeti?
pe5:14.6 Sīle patiṭṭhāya naro sapaññoti gāthā.
pe5:14.7 Tattha cittabhāvanāya samathā, paññābhāvanāya vipassanā.
pe5:14.8 Tattha evaṁ anumīyati, ye dhammā samathena ca vipassanāya ca pahīyanti, te ime antojaṭā bahijaṭā.
pe5:14.9 Tattha visajjanaṁ samathena rāgo pahīyati, vipassanāya avijjā.
pe5:14.10 Ajjhattavatthuko rāgo antojaṭā, bāhiravatthuko rāgo bahijaṭā.
pe5:14.11 Ajjhattavatthukā sakkāyadiṭṭhi, ayaṁ antojaṭā.
pe5:14.12 Ekasaṭṭhi diṭṭhigatāni ca bāhiravatthukāni bahijaṭā, yā hi ajjhattavatthukā yā diṭṭhibhāgiyena bhavissati, ayaṁ jaṭā.
pe5:14.13 Tathā saṅkhittena yā kāci ajjhattavatthukā taṇhā ca diṭṭhi ca, ayaṁ antojaṭā.
pe5:14.14 Yā kāci bāhiravatthukā taṇhā ca diṭṭhi ca, ayaṁ bahijaṭā.