pe4:6.1 Tattha tathārūpaṁ sahetu sappaccayaṁ soyaṁ dhammo vuttoti idaṁ vīmaṁsitabbaṁ.
BAGIAN 6
pe4:6.2 So ca paccayo tividho—
pe4:6.3 mudu majjho adhimatto.
pe4:6.4 Tattha mudumhi paccaye mududhammo gahetabbo, evaṁ satyesa paccayo duvidho paramparāpaccayo ca samanantarapaccayo ca.
pe4:6.5 So paccayo mudutena byādhimattaṁ pariyesitabbaṁ.
pe4:6.6 Kiṅkāraṇaṁ?
pe4:6.7 Aññataropi paccayo aññehi paccayehi pariyattiṁ vā pāripūriṁ vā gacchati.
pe4:6.8 Tattha yo dhammo desito, tassa dhammassa etena vā kāraṇena vā hetu pariyesitabbo.
pe4:6.9 Yathā paccayo hetunā paccayena ca, so tassa dhammassa nissando pariyesitabbo.
pe4:6.10 Yathā niddiṭṭho adhiṭṭhāne padhānaṁ pariyesati, so paccayo pariyesitabbo.
pe4:6.11 Na hi mudussa dhammassa adhimatto nissando adhimattassa vā nissandassa mududhammo, atha mudussa mudu majjhāya majjho adhimattassa adhimatto yujjati, taṁ gahetabbaṁ, atha na yujjati na gahetabbaṁ.
pe4:6.12 Yañca bhagavā ārabhati dhammaṁ desetuṁ, taṁyeva dhammaṁ majjhantapariyosānaṁ deseti, yathā suttādhiṭṭhāne dhammā ādimhi niddisati, taṁyeva bahu tassa suttassa pariyosānaṁ.
pe4:6.13 Tassa hi dhammassa vasena taṁ suttaṁ hoti gāthā vā byākaraṇaṁ khuddakaṁ mahantaṁ vā, yathā pana duvidhā anurūpanti vā thapanā ca desanāthapanā.
pe4:6.14 Rūpantipi dhammassa pariyesitabbā.
pe4:6.15 Yathā ca bhagavatā pañcannaṁ indriyānaṁ saṁvaraṇaṁ desitaṁ taṇhāya niggahaṇatthaṁ icchāva hoti.
pe4:6.16 Deseti yathā gopālakopame sutte aññehipi suttehi bhagavā bhāsati icchāva hoti majjhimanikāye vitakko ayaṁ bhagavato desanānurūpanti iti so dhammo aññesupi veyyākaraṇesu pariyesitabbo.
pe4:6.17 Na hi ekaṁ hi sutte daṭṭhabbo.
pe4:6.18 Yujjanaṁ taṁ gahetabbaṁ.