pe4:4.1 Atha vā evampi upaparikkhiyamānaṁ yujjati, tattha vīmaṁsitabbaṁ vā yathā yujjati tattha vīmaṁsitabbaṁ vā, yathā nanu sakkā suttaṁ niddisituṁ, na hi sutte vicikicchitabbaṁ.
BAGIAN 4
pe4:4.2 Kileso maṁ ariyadhammesu desitesu ubhayato upaparikkhitabbaṁ.
pe4:4.3 Kira ye vā ime kilesā desitā ye ca ariyadhammā desitā gāthāya vā byākaraṇena vā, kiṁ nu kho ime kilesā imehi ariyadhammehi pahīyanti, udāhu nappahīyanti?
pe4:4.4 Ime vā ariyadhammā imesaṁ kilesānaṁ pahānāya saṁvattantīti.
pe4:4.5 Kiñcāpi kusalehi dhammehi akusalā dhammā pahānaṁ gacchanti.
pe4:4.6 Na tu sabbehi ariyadhammehi sabbākusalā pahānaṁ gacchanti.
pe4:4.7 Yathā mettā kusalo akusalo ca rāgo na tu kusalā mettā akusalo rāgoti kāretvā mettāya rāgo pahānaṁ, byāpādo mettāya pahānaṁ gacchanti.
pe4:4.8 Evaṁ kilesoti kāretvā suttena pahānaṁ gacchati.
pe4:4.9 Na sutto dhammoti kāretvā sabbaṁ kilesassa pahānāya saṁvattati.
pe4:4.10 Yaṁ tu suttassa ariyadhammo saṅkilesapaṭipakkho, so tena pahānaṁ gacchatīti.