pe4:3.1 Yathā bhagavā kilese ādimhi tattha deseti.
BAGIAN 3
pe4:3.2 Kiṁ desitaṁ?
pe4:3.3 Tesaṁ kilesānaṁ pahānaṁ udāhu no desitanti upaparikkhitabbaṁ.
pe4:3.4 Yadi na desitaṁ bhagavati tesaṁ kilesānaṁ pahānaṁ kusalā dhammā pariyesitabbā;
pe4:3.5 yattha te akusalā pahānaṁ gacchanti.
pe4:3.6 Sace samannehamāno na labhati.
pe4:3.7 Tattha akusalā dhammā apakaḍḍhitabbā vīmaṁsitabbā, saṅkilesabhāgiyasuttaṁ, yadi kilesā apakaḍḍhiyantā.
pe4:3.8 Ye vā na denti tattha upaparikkhitabbā ariyamaggadhammā tāsu bhūmīsu kilesā pahānaṁ gacchanti, udāhu na gacchantīti.
pe4:3.9 Yattakā pana kilesā desitā.
pe4:3.10 Na tattakā ariyadhammā desitā.
pe4:3.11 Yattha kilesā pahānaṁ gacchanti, tattha ye kilesā ariyadhammānaṁ paṭipakkhena na yujjanti, te apakaḍḍhitabbā, sace apakaḍḍhiyantā yojanaṁ deti.
pe4:3.12 Tattha evaṁ vīmaṁsitabbaṁ.
pe4:3.13 Dve tīṇi vā taduttari vā kilesā ekena ariyamaggena pahānaṁ gacchantīti.
pe4:3.14 Sace evaṁ vīmaṁsiyantā yojanaṁ deti, tattha upaparikkhitabbaṁ.
pe4:3.15 Paramparāya vā piṭakasampadānena vā suttassa attho ca nattho ca.
pe4:3.16 Yaṁ vā na sakkā suttaṁ niddisituṁ neva suttaṁ vicikicchitabbaṁ.
pe4:3.17 Evaṁ yathā ādimhi kusalā dhammā honti.
pe4:3.18 Ye kilesā te pahīneyyāti.
pe4:3.19 Te upaparikkhitabbā.
pe4:3.20 Puro vā kusalo paṭipakkhena vā puro desanā, anūnā anadhikā uggahetabbā.
pe4:3.21 Yathā paṭhamo uttilo yesamidāni kilesānaṁ ye ariyadhammā desitā ime kilesā imehi ariyadhammehi pahīyanti, udāhu nappahīyantīti vicinitabbā.
pe4:3.22 Yadi upaparikkhiyamānā yujjanti, gahetabbā.
pe4:3.23 Atha na yujjanti, ye kilesā apaṭipakkhā honti, te kilesā aparipakkhitabbā.
pe4:3.24 Ye ca ariyadhammā paṭipakkhā honti, te ariyadhammā apakaḍḍhitabbā.
pe4:3.25 Na hi ariyadhammā anāgāmikilesappahānaṁ gacchanti, nāpi ariyadhammā sabbakilesānaṁ pahānāya saṁvattanti.
pe4:3.26 Yathā kusalā mettā akusalo rāgo na tu kusalā mettāti kāretvā akusalassa rāgassa pahānāya sambhavati byāpādo mettāya pahānaṁ gacchati.
pe4:3.27 Tasmā ubho kilesā upaparikkhitabbā.
pe4:3.28 Yo yo ca dhammo upadisiyati kusalo vā akusalo vā so apakaḍḍhitabbo.
pe4:3.29 Sace te yujjanti apakaḍḍhiyamāno natthi upaparikkhitabbaṁ.
pe4:3.30 Dve vā kilesā ekena ariyadhammena pahīneyyāti dvīhi vā ariyadhammehi eko vā kileso pahīyatīti.