pe4:10.1 Tattha katamo suttasaṅkaro?
BAGIAN 10
pe4:10.2 Pañcavidhaṁ suttaṁ, saṅkilesabhāgiyaṁ vāsanābhāgiyaṁ dassanabhāgiyaṁ bhāvanābhāgiyaṁ asekkhabhāgiyaṁ.
pe4:10.3 Aññaṁ ārādheyya aññaṁ deseti aññassa ca suttassa atthaṁ aññamhi sutte niddisati.
pe4:10.4 Suttassa vā hi anekākāraṁ atthaṁ niddisati.
pe4:10.5 Ariyadhammasādhane atthaṁ vivarati.
pe4:10.6 Vāsanābhāgiyassa atthaṁ dassanabhāgiyesu niddisati.
pe4:10.7 Orambhāgiyānaṁ saṁyojanānaṁ atthaṁ uddhambhāgiyesu niddisati.
pe4:10.8 Mudumajjhānaṁ indriyānaṁ adhimattesu suttesu niddisati.
pe4:10.9 Iti ayaṁ suttaṁ sambhedaṁ hetunā ca nissandena ca phalena ca niddesena ca mudumajjhādhimattatāyapi ca atthena ca byañjanena ca yo sambhedo, ayaṁ vuccati suttasaṅkaro.
pe4:10.10 Yo asambhedo, ayaṁ vuccati suttavicayo.