pe3:39.1 Tulamatulañca sambhavanti tulasaṅkhataṁ atulasaṅkhataṁ.
BAGIAN 39
pe3:39.2 Tattha ye saṅkhatā tulaṁ, te dve dhammā assādo ca ādīnavo ca tulitā bhavanti.
pe3:39.3 Ettako kāmesu assādo.
pe3:39.4 Ettako ādīnavo imassa, idaṁ nissaraṇanti iti nibbānaṁ pajānāti.
pe3:39.5 Dvīhi kāraṇehi atulaṁ na ca sakkā tulayituṁ.
pe3:39.6 Ettakaṁ etaṁ netaṁ paramatthīti tena atulaṁ.
pe3:39.7 Atha pāpuṇā ratanaṁ karitvā acchariyabhāvena atulaṁ.
pe3:39.8 Tattha kusalassa ca abhisambhavā jānanā passanā, ayaṁ amoho.
pe3:39.9 Yaṁ tattha ñātā osiraṇā bhavasaṅkhārānaṁ, ayaṁ alobho.
pe3:39.10 Yaṁ ajjhattarato samāhitoti vikkhepapaṭisaṁharaṇā, ayaṁ adoso.
pe3:39.11 Iti imāni tīṇi kusalamūlāni.
pe3:39.12 Tulamatulasambhavanti ayaṁ amoho.
pe3:39.13 Yo bhavasaṅkhārānaṁ samosaraṇaṁ lobho sammāsamādhīnaṁ assādo, ayaṁ hetu.
pe3:39.14 Yaṁ ajjhattarato avijjaṇḍakosaṁ sambhedo, ayaṁ nissando.
pe3:39.15 Sā pavatti imāni tīṇi niddiṭṭhāni kusalamūlāni hetuto ca nissandato ca phalato ca.