pe3:36.1 Tattha katamāni kusalamūlāni sādhāraṇāni?
BAGIAN 36
pe3:36.2 Kusalañca vo, bhikkhave, desessāmi kusalamūlañceva.
pe3:36.3 Tattha katamaṁ kusalamūlaṁ?
pe3:36.4 Alobho adoso amoho.
pe3:36.5 Tattha katamaṁ kusalaṁ?
pe3:36.6 Aṭṭha sammattāni sammādiṭṭhi yāva sammāsamādhi.
pe3:36.7 Tattha yāni kusalamūlāni, ayaṁ hetu.
pe3:36.8 Yañca alobho tīṇi kammāni samuṭṭhāpeti saṅkappaṁ vāyāmaṁ samādhiñca, ayaṁ alobhassa nissando.
pe3:36.9 Tattha yo adoso, ayaṁ hetu.
pe3:36.10 Yaṁ tayo dhamme paṭṭhapeti sammāvācaṁ sammākammantaṁ sammāājīvañca, ayaṁ nissando.
pe3:36.11 Tattha yo amoho hetu, yaṁ dve dhamme upaṭṭhapeti aviparītadassanampi ca anabhilāpanaṁ, ayaṁ nissando.
pe3:36.12 Imassa brahmacariyassa yaṁ phalaṁ, tā dve vimuttiyo rāgavirāgā cetovimutti avijjā virāgā ca paññāvimutti, idaṁ phalaṁ.
pe3:36.13 Iti imāni tīṇi kusalamūlāni niddiṭṭhāni hetuto ca nissandato ca phalato ca.
pe3:36.14 Evaṁ sādhāraṇāni kusalāni paṭivijjhitabbāni.