pe2:1.1 Tattha katamaṁ sāsanappaṭṭhānaṁ?
BAGIAN 1
pe2:1.2 Saṅkilesabhāgiyaṁ suttaṁ, vāsanābhāgiyaṁ suttaṁ, nibbedhabhāgiyaṁ suttaṁ, asekkhabhāgiyaṁ suttaṁ, saṅkilesabhāgiyañca vāsanābhāgiyañca, saṅkilesabhāgiyañca nibbedhabhāgiyañca, saṅkilesabhāgiyañca nibbedhabhāgiyañca asekkhabhāgiyañca, vāsanābhāgiyañca nibbedhabhāgiyañca.
pe2:1.3 Āṇatti, phalaṁ, upāyo, āṇatti ca phalañca, phalañca upāyo ca, āṇatti ca phalañca upāyo ca.
pe2:1.4 Assādo, ādīnavo, nissaraṇaṁ, assādo ca ādīnavo ca, assādo ca nissaraṇañca, ādīnavo ca nissaraṇañca, assādo ca ādīnavo ca nissaraṇañca.
pe2:1.5 Lokikaṁ, lokuttaraṁ, lokikañca lokuttarañca.
pe2:1.6 Kammaṁ, vipāko, kammañca vipāko ca.
pe2:1.7 Niddiṭṭhaṁ, aniddiṭṭhaṁ, niddiṭṭhañca aniddiṭṭhañca.
pe2:1.8 Ñāṇaṁ, ñeyyaṁ, ñāṇañca ñeyyañca.
pe2:1.9 Dassanaṁ, bhāvanā, dassanañca bhāvanā ca.
pe2:1.10 Vipākakammaṁ, na vipākakammaṁ, nevavipākanavipākakammaṁ.
pe2:1.11 Sakavacanaṁ, paravacanaṁ, sakavacanañca paravacanañca.
pe2:1.12 Sattādhiṭṭhānaṁ, dhammādhiṭṭhānaṁ, sattādhiṭṭhānañca dhammādhiṭṭhānañca.
pe2:1.13 Thavo, sakavacanādhiṭṭhānaṁ, paravacanādhiṭṭhānaṁ, sakavacanādhiṭṭhānañca paravacanādhiṭṭhānañca.
pe2:1.14 Kiriyaṁ, phalaṁ, kiriyañca phalañca.
pe2:1.15 Anuññātaṁ, paṭikkhittaṁ, anuññātañca paṭikkhittañca.
pe2:1.16 Imāni cha paṭikkhittāni.