pe1:143.1 Tathā vipallāsato diṭṭhi āgantabbā.
BAGIAN 143
pe1:143.2 Sā sattavidhā niddisitabbā.
pe1:143.3 Eko vipallāso tīṇi niddisīyati, cattāri vipallāsavatthūni.
pe1:143.4 Tattha katamo eko vipallāso?
pe1:143.5 Yo viparītaggāho paṭikkhepena, otaraṇaṁ yathā “anicce niccam”iti viparītaṁ gaṇhāti.
pe1:143.6 Evaṁ cattāro vipallāsā.
pe1:143.7 Ayameko vipallāsīyati saññā cittaṁ diṭṭhi.
pe1:143.8 Katamāni cattāri vipallāsavatthūni?
pe1:143.9 Kāyo vedanā cittaṁ dhammā.
pe1:143.10 Evaṁ vipallāsagatassa akusalañca pavaḍḍheti.
pe1:143.11 Tattha saññāvipallāso dosaṁ akusalamūlaṁ pavaḍḍheti.
pe1:143.12 Cittavipallāso lobhaṁ akusalamūlaṁ pavaḍḍheti.
pe1:143.13 Diṭṭhivipallāso mohaṁ akusalamūlaṁ pavaḍḍheti.
pe1:143.14 Tattha dosassa akusalamūlassa tīṇi micchattāni phalaṁ—
pe1:143.15 micchāvācā micchākammanto micchāājīvo;
pe1:143.16 lobhassa akusalamūlassa tīṇi micchattāni phalaṁ—
pe1:143.17 micchāsaṅkappo micchāvāyāmo micchāsamādhi;
pe1:143.18 mohassa akusalamūlassa dve micchattāni phalaṁ—
pe1:143.19 micchādiṭṭhi ca micchāsati ca.
pe1:143.20 Evaṁ akusalaṁ sahetu sappaccayaṁ vipallāsā ca paccayo, akusalamūlāni sahetū eteyeva paṭipakkhena anūnā anadhikā dvīhi paccayehi niddisitabbā.
pe1:143.21 Nirodhe ca magge ca vipallāsamupādāya parato paṭipakkhena catasso.