ne21:6.1 Dasa kasiṇāyatanāni pathavīkasiṇaṁ āpokasiṇaṁ tejokasiṇaṁ vāyokasiṇaṁ nīlakasiṇaṁ pītakasiṇaṁ lohitakasiṇaṁ odātakasiṇaṁ ākāsakasiṇaṁ viññāṇakasiṇaṁ.
BAGIAN 6
ne21:6.2 Tattha yañca pathavīkasiṇaṁ yañca āpokasiṇaṁ evaṁ sabbaṁ, yañca odātakasiṇaṁ.
ne21:6.3 Imāni aṭṭha kasiṇāni samatho.
ne21:6.4 Yañca ākāsakasiṇaṁ yañca viññāṇakasiṇaṁ, ayaṁ vipassanā.
ne21:6.5 Evaṁ sabbo ariyo maggo yena yena ākārena vutto, tena tena samathavipassanena yojayitabbo.
ne21:6.6 Te tīhi dhammehi saṅgahitā aniccatāya dukkhatāya anattatāya.
ne21:6.7 So samathavipassanaṁ bhāvayamāno tīṇi vimokkhamukhāni bhāvayati.
ne21:6.8 Tīṇi vimokkhamukhāni bhāvayanto tayo khandhe bhāvayati.
ne21:6.9 Tayo khandhe bhāvayanto ariyaṁ aṭṭhaṅgikaṁ maggaṁ bhāvayati.