mnd9:18.1 <b>Ajjhattasantiṁ pacinaṁ adassan</b>ti.
BAGIAN 18
mnd9:18.2 Ajjhattasantiṁ ajjhattaṁ rāgassa santiṁ, dosassa santiṁ, mohassa santiṁ, kodhassa … upanāhassa … makkhassa … paḷāsassa … issāya … macchariyassa … māyāya … sāṭheyyassa … thambhassa … sārambhassa … mānassa … atimānassa … madassa … pamādassa … sabbakilesānaṁ … sabbaduccaritānaṁ … sabbadarathānaṁ … sabbapariḷāhānaṁ … sabbasantāpānaṁ … sabbākusalābhisaṅkhārānaṁ santiṁ upasantiṁ vūpasantiṁ nibbutiṁ paṭipassaddhiṁ santiṁ.
mnd9:18.3 <b>Pacinan</b>ti pacinanto vicinanto pavicinanto tulayanto tīrayanto vibhāvayanto vibhūtaṁ karonto,
mnd9:18.4 “sabbe saṅkhārā aniccā”ti pacinanto vicinanto pavicinanto tulayanto tīrayanto vibhāvayanto vibhūtaṁ karonto,
mnd9:18.5 “sabbe saṅkhārā dukkhā”ti …
mnd9:18.6 “sabbe dhammā anattā”ti pacinanto vicinanto pavicinanto …
mnd9:18.7 “yaṁ kiñci samudayadhammaṁ, sabbaṁ taṁ nirodhadhamman”ti pacinanto vicinanto pavicinanto tulayanto tīrayanto vibhāvayanto vibhūtaṁ karonto.
mnd9:18.8 <b>Adassan</b>ti adassaṁ adakkhiṁ apassiṁ paṭivijjhinti—
mnd9:18.9 ajjhattasantiṁ pacinaṁ adassaṁ.