8. Pasūrasuttaniddesa

mnd8:19.1 <b>Apāhatasmiṁ pana maṅku hotī</b>ti.

mnd8:19.2 Ye te pañhavīmaṁsakā parisā pārisajjā pāsārikā, te apaharanti.

mnd8:19.3 “Atthāpagataṁ bhaṇitan”ti atthato apaharanti,

mnd8:19.4 “byañjanāpagataṁ bhaṇitan”ti byañjanato apaharanti,

mnd8:19.5 “atthabyañjanāpagataṁ bhaṇitan”ti atthabyañjanato apaharanti,

mnd8:19.6 “attho te dunnīto, byañjanaṁ te duropitaṁ, atthabyañjanaṁ te dunnītaṁ duropitaṁ, niggaho te akato, paṭikammaṁ te dukkaṭaṁ, viseso te akato, paṭiviseso te dukkaṭo, āveṭhiyā te akatā, nibbeṭhiyā te dukkaṭā, chedo te akato, maṇḍalaṁ te dukkaṭaṁ visamakathaṁ dukkathitaṁ dubbhaṇitaṁ dullapitaṁ duruttaṁ dubbhāsitan”ti apaharanti.

mnd8:19.7 <b>Apāhatasmiṁ pana maṅku hotī</b>ti.

mnd8:19.8 Apāhatasmiṁ maṅku hoti pīḷito ghaṭṭito byādhito domanassito hotīti—

mnd8:19.9 apāhatasmiṁ pana maṅku hoti.