mnd7:49.1 Api ca tīhākārehi musāvādo hoti.
BAGIAN 49
mnd7:49.2 Pubbevassa hoti—
mnd7:49.3 “musā bhaṇissan”ti, bhaṇantassa hoti—
mnd7:49.4 “musā bhaṇāmī”ti, bhaṇitassa hoti—
mnd7:49.5 “musā mayā bhaṇitan”ti.
mnd7:49.6 Imehi tīhākārehi musāvādo hoti.
mnd7:49.7 Api ca catūhākārehi musāvādo hoti.
mnd7:49.8 Pubbevassa hoti—
mnd7:49.9 “musā bhaṇissan”ti, bhaṇantassa hoti—
mnd7:49.10 “musā bhaṇāmī”ti, bhaṇitassa hoti—
mnd7:49.11 “musā mayā bhaṇitan”ti, vinidhāya diṭṭhiṁ.
mnd7:49.12 Imehi catūhākārehi musāvādo hoti.
mnd7:49.13 Api ca pañcahākārehi …
mnd7:49.14 chahākārehi …
mnd7:49.15 sattahākārehi …
mnd7:49.16 aṭṭhahākārehi musāvādo hoti.
mnd7:49.17 Pubbevassa hoti—
mnd7:49.18 “musā bhaṇissan”ti, bhaṇantassa hoti—
mnd7:49.19 “musā bhaṇāmī”ti, bhaṇitassa hoti—
mnd7:49.20 “musā mayā bhaṇitan”ti, vinidhāya diṭṭhiṁ, vinidhāya khantiṁ, vinidhāya ruciṁ, vinidhāya saññaṁ, vinidhāya bhāvaṁ.
mnd7:49.21 Imehi aṭṭhahākārehi musāvādo hoti.
mnd7:49.22 <b>Mosavajjaṁ pagāhatī</b>ti.
mnd7:49.23 Mosavajjaṁ pagāhati ogāhati ajjhogāhati pavisatīti—
mnd7:49.24 mosavajjaṁ pagāhati.