mnd6:75.1 <b>Na piyaṁ kubbati nopi appiyan</b>ti.
BAGIAN 75
mnd6:75.2 <b>Piyā</b>ti dve piyā—
mnd6:75.3 sattā vā saṅkhārā vā.
mnd6:75.4 Katame sattā piyā?
mnd6:75.5 Idha yassa te honti atthakāmā hitakāmā phāsukāmā yogakkhemakāmā mātā vā pitā vā bhātā vā bhaginī vā puttā vā dhītarā vā mittā vā amaccā vā ñātī vā sālohitā vā—
mnd6:75.6 ime sattā piyā.
mnd6:75.7 Katame saṅkhārā piyā?
mnd6:75.8 Manāpikā rūpā manāpikā saddā manāpikā gandhā manāpikā rasā manāpikā phoṭṭhabbā—
mnd6:75.9 ime saṅkhārā piyā.
mnd6:75.10 <b>Appiyā</b>ti dve appiyā—
mnd6:75.11 sattā vā saṅkhārā vā.
mnd6:75.12 Katame sattā appiyā?
mnd6:75.13 Idha yassa te honti anatthakāmā ahitakāmā aphāsukāmā ayogakkhemakāmā jīvitā voropetukāmā—
mnd6:75.14 ime sattā appiyā.
mnd6:75.15 Katame saṅkhārā appiyā?
mnd6:75.16 Amanāpikā rūpā amanāpikā saddā amanāpikā gandhā amanāpikā rasā amanāpikā phoṭṭhabbā—
mnd6:75.17 ime saṅkhārā appiyā.
mnd6:75.18 <b>Na piyaṁ kubbati nopi appiyan</b>ti.
mnd6:75.19 “Ayaṁ me satto piyo, ime ca saṅkhārā manāpā”ti rāgavasena piyaṁ na karoti;
mnd6:75.20 “ayaṁ me satto appiyo, ime ca saṅkhārā amanāpā”ti paṭighavasena appiyaṁ na karoti na janeti na sañjaneti na nibbatteti nābhinibbattetīti—
mnd6:75.21 na piyaṁ kubbati nopi appiyaṁ.