mnd6:68.1 <b>Patilīnacarassa bhikkhuno</b>ti.
BAGIAN 68
mnd6:68.2 Patilīnacarā vuccanti satta sekkhā.
mnd6:68.3 Arahā patilīno.
mnd6:68.4 Kiṅkāraṇā patilīnacarā vuccanti satta sekkhā?
mnd6:68.5 Te tato tato cittaṁ patilīnentā patikuṭentā pativaṭṭentā sanniruddhantā sanniggaṇhantā sannivārentā rakkhantā gopentā caranti vicaranti viharanti iriyanti vattenti pālenti yapenti yāpenti, cakkhudvāre cittaṁ patilīnentā patikuṭentā pativaṭṭentā sanniruddhantā sanniggaṇhantā sannivārentā rakkhantā gopentā caranti vicaranti viharanti iriyanti vattenti pālenti yapenti yāpenti,
mnd6:68.6 sotadvāre cittaṁ …pe…
mnd6:68.7 ghānadvāre cittaṁ …
mnd6:68.8 jivhādvāre cittaṁ …
mnd6:68.9 kāyadvāre cittaṁ …
mnd6:68.10 manodvāre cittaṁ patilīnentā patikuṭentā pativaṭṭentā sanniruddhantā sanniggaṇhantā sannivārentā rakkhantā gopentā caranti vicaranti viharanti iriyanti vattenti pālenti yapenti yāpenti.
mnd6:68.11 Yathā kukkuṭapattaṁ vā nhārudaddulaṁ vā aggimhi pakkhittaṁ patilīyati patikuṭati pativaṭṭati na sampasāriyati;
mnd6:68.12 evamevaṁ tato tato cittaṁ patilīnentā patikuṭentā pativaṭṭentā sanniruddhantā sanniggaṇhantā sannivārentā rakkhantā gopentā caranti vicaranti viharanti iriyanti vattenti pālenti yapenti yāpenti, cakkhudvāre cittaṁ …
mnd6:68.13 sotadvāre cittaṁ …
mnd6:68.14 ghānadvāre cittaṁ …
mnd6:68.15 jivhādvāre cittaṁ …
mnd6:68.16 kāyadvāre cittaṁ …
mnd6:68.17 manodvāre cittaṁ patilīnentā patikuṭentā pativaṭṭentā sanniruddhantā sanniggaṇhantā sannivārentā rakkhantā gopentā caranti vicaranti viharanti iriyanti vattenti pālenti yapenti yāpenti.
mnd6:68.18 Taṅkāraṇā patilīnacarā vuccanti satta sekkhā.
mnd6:68.19 <b>Bhikkhuno</b>ti puthujjanakalyāṇakassa vā bhikkhuno sekkhassa vā bhikkhunoti—
mnd6:68.20 patilīnacarassa bhikkhuno.