mnd6:64.1 <b>Tasmā munayo pariggahaṁ, hitvā acariṁsu khemadassino</b>ti.
BAGIAN 64
mnd6:64.2 <b>Tasmā</b>ti tasmā taṅkāraṇā taṁhetu tappaccayā taṁnidānā etaṁ ādīnavaṁ sampassamānā mamattesūti—
mnd6:64.3 tasmā.
mnd6:64.4 <b>Munayo</b>ti <b>monaṁ</b> vuccati ñāṇaṁ.
mnd6:64.5 Yā paññā pajānanā …pe… amoho dhammavicayo sammādiṭṭhi.
mnd6:64.6 Tena ñāṇena samannāgatā munayo monappattā.
mnd6:64.7 Tīṇi moneyyāni—
mnd6:64.8 kāyamoneyyaṁ, vacīmoneyyaṁ, manomoneyyaṁ …pe…
mnd6:64.9 saṅgajālamaticca so muni.
mnd6:64.10 <b>Pariggaho</b>ti dve pariggahā—
mnd6:64.11 taṇhāpariggaho ca diṭṭhipariggaho ca …pe…
mnd6:64.12 ayaṁ taṇhāpariggaho …pe…
mnd6:64.13 ayaṁ diṭṭhipariggaho.
mnd6:64.14 Munayo taṇhāpariggahaṁ pariccajitvā diṭṭhipariggahaṁ paṭinissajjitvā cajitvā pajahitvā vinodetvā byantiṁ karitvā anabhāvaṁ gametvā acariṁsu vihariṁsu iriyiṁsu vattiṁsu pāliṁsu yapiṁsu yāpiṁsu.
mnd6:64.15 <b>Khemadassino</b>ti <b>khemaṁ</b> vuccati amataṁ nibbānaṁ.
mnd6:64.16 Yo so sabbasaṅkhārasamatho sabbūpadhipaṭinissaggo taṇhakkhayo virāgo nirodho nibbānaṁ.
mnd6:64.17 <b>Khemadassino</b>ti khemadassino tāṇadassino leṇadassino saraṇadassino abhayadassino accutadassino amatadassino nibbānadassinoti—
mnd6:64.18 tasmā munayo pariggahaṁ hitvā acariṁsu khemadassino.