mnd6:33.1 <b>Na hi santi niccā pariggahā</b>ti.
BAGIAN 33
mnd6:33.2 Dve pariggahā—
mnd6:33.3 taṇhāpariggaho ca diṭṭhipariggaho ca …pe…
mnd6:33.4 ayaṁ taṇhāpariggaho …pe…
mnd6:33.5 ayaṁ diṭṭhipariggaho.
mnd6:33.6 Taṇhāpariggaho anicco saṅkhato paṭiccasamuppanno khayadhammo vayadhammo virāgadhammo nirodhadhammo vipariṇāmadhammo.
mnd6:33.7 Diṭṭhipariggahopi anicco saṅkhato paṭiccasamuppanno khayadhammo vayadhammo virāgadhammo nirodhadhammo vipariṇāmadhammo.
mnd6:33.8 Vuttañhetaṁ bhagavatā—
mnd6:33.9 “passatha no tumhe, bhikkhave, taṁ pariggahaṁ yvāyaṁ pariggaho nicco dhuvo sassato avipariṇāmadhammo sassatisamaṁ tatheva tiṭṭheyyā”ti?
mnd6:33.10 “No hetaṁ, bhante”.
mnd6:33.11 “Sādhu, bhikkhave.
mnd6:33.12 Ahampi kho taṁ, bhikkhave, pariggahaṁ na samanupassāmi, yvāyaṁ pariggaho nicco dhuvo sassato avipariṇāmadhammo sassatisamaṁ tatheva tiṭṭheyyā”ti.
mnd6:33.13 Pariggahā niccā dhuvā sassatā avipariṇāmadhammā natthi na santi na saṁvijjanti na labbhantīti—
mnd6:33.14 na hi santi niccā pariggahā.