mnd5:52.1 <b>Pāraṅgato na pacceti tādī</b>ti.
BAGIAN 52
mnd5:52.2 <b>Pāraṁ</b> vuccati amataṁ nibbānaṁ.
mnd5:52.3 Yo so sabbasaṅkhārasamatho sabbūpadhipaṭinissaggo taṇhakkhayo virāgo nirodho nibbānaṁ.
mnd5:52.4 So pāraṅgato pārappatto antagato antappatto koṭigato koṭippatto (vitthāro) jātimaraṇasaṁsāro, natthi tassa punabbhavoti—
mnd5:52.5 pāraṅgato.
mnd5:52.6 <b>Na paccetī</b>ti sotāpattimaggena ye kilesā pahīnā, te kilese na puneti na pacceti na paccāgacchati.
mnd5:52.7 Sakadāgāmimaggena ye kilesā pahīnā, te kilese na puneti na pacceti na paccāgacchati.
mnd5:52.8 Anāgāmimaggena ye kilesā pahīnā, te kilese na puneti na pacceti na paccāgacchati.
mnd5:52.9 Arahattamaggena ye kilesā pahīnā, te kilese na puneti na pacceti na paccāgacchatīti—
mnd5:52.10 pāraṅgato na pacceti.
mnd5:52.11 <b>Tādī</b>ti arahā pañcahākārehi tādī—
mnd5:52.12 iṭṭhāniṭṭhe tādī, cattāvīti tādī, tiṇṇāvīti tādī, muttāvīti tādī, taṁniddesā tādī.