3. Duṭṭhaṭṭhakasuttaniddesa

mnd3:20.1 “Imasmiññeva pubbaṇhasamayaṁ ariyadhammaṁ āharissāmi samāharissāmi adhigacchissāmi phassayissāmi sacchikarissāmī”ti—

mnd3:20.2 cittaṁ paggaṇhāti padahati.

mnd3:20.3 Evarūpampi vīriyasamādānaṁ vuccati vataṁ, na sīlaṁ.

mnd3:20.4 “Imasmiññeva majjhanhikasamayaṁ,

mnd3:20.5 sāyanhasamayaṁ,

mnd3:20.6 purebhattaṁ,

mnd3:20.7 pacchābhattaṁ,

mnd3:20.8 purimaṁ yāmaṁ,

mnd3:20.9 majjhimaṁ yāmaṁ,

mnd3:20.10 pacchimaṁ yāmaṁ,

mnd3:20.11 kāḷe,

mnd3:20.12 juṇhe,

mnd3:20.13 vasse,

mnd3:20.14 hemante,

mnd3:20.15 gimhe,

mnd3:20.16 purime vayokhandhe,

mnd3:20.17 majjhime vayokhandhe,

mnd3:20.18 pacchime vayokhandhe ariyadhammaṁ āharissāmi samāharissāmi adhigacchissāmi phassayissāmi sacchikarissāmī”ti—

mnd3:20.19 cittaṁ paggaṇhāti padahati.

mnd3:20.20 Evarūpampi vīriyasamādānaṁ vuccati vataṁ, na sīlaṁ.

mnd3:20.21 <b>Jantū</b>ti satto naro mānavo poso puggalo jīvo jāgu jantu indagu manujoti—

mnd3:20.22 yo attano sīlavatāni jantu.