mnd2:89.1 <b>Hīnā narā maccumukhe lapantī</b>ti.
BAGIAN 89
mnd2:89.2 <b>Hīnā narā</b>ti hīnā narā hīnena kāyakammena samannāgatāti hīnā narā,
mnd2:89.3 hīnena vacīkammena samannāgatāti hīnā narā,
mnd2:89.4 hīnena manokammena samannāgatāti hīnā narā,
mnd2:89.5 hīnena pāṇātipātena samannāgatāti hīnā narā,
mnd2:89.6 hīnena adinnādānena …
mnd2:89.7 hīnena kāmesumicchācārena …
mnd2:89.8 hīnena musāvādena …
mnd2:89.9 hīnāya pisuṇāya vācāya …
mnd2:89.10 hīnāya pharusāya vācāya …
mnd2:89.11 hīnena samphappalāpena …
mnd2:89.12 hīnāya abhijjhāya …
mnd2:89.13 hīnena byāpādena …
mnd2:89.14 hīnāya micchādiṭṭhiyā …
mnd2:89.15 hīnehi saṅkhārehi …
mnd2:89.16 hīnehi pañcahi kāmaguṇehi nīvaraṇehi …
mnd2:89.17 hīnāya cetanāya …
mnd2:89.18 hīnāya patthanāya …
mnd2:89.19 hīnāya paṇidhiyā samannāgatāti hīnā narā hīnā nihīnā ohīnā omakā lāmakā chatukkā parittāti—
mnd2:89.20 hīnā narā.
mnd2:89.21 <b>Maccumukhe lapantī</b>ti.
mnd2:89.22 <b>Maccumukhe</b>ti māramukhe maraṇamukhe,
mnd2:89.23 maccuppattā maccusampattā maccūpāgatā,
mnd2:89.24 mārappattā mārasampattā mārūpāgatā,
mnd2:89.25 maraṇappattā maraṇasampattā maraṇūpāgatā lapanti lālapanti socanti kilamanti paridevanti urattāḷiṁ kandanti sammohaṁ āpajjantīti—
mnd2:89.26 hīnā narā maccumukhe lapanti.