2. Guhaṭṭhakasuttaniddesa

mnd2:61.1 <b>Yaṁ kiñci jaññā visamanti loke</b>ti.

mnd2:61.2 <b>Yaṁ kiñcī</b>ti sabbena sabbaṁ sabbathā sabbaṁ asesaṁ nissesaṁ pariyādiyanavacanametaṁ—

mnd2:61.3 yaṁ kiñcīti.

mnd2:61.4 <b>Visamanti jaññā</b>ti visamaṁ kāyakammaṁ visamanti jāneyya,

mnd2:61.5 visamaṁ vacīkammaṁ visamanti jāneyya,

mnd2:61.6 visamaṁ manokammaṁ visamanti jāneyya,

mnd2:61.7 visamaṁ pāṇātipātaṁ visamoti jāneyya,

mnd2:61.8 visamaṁ adinnādānaṁ visamanti jāneyya,

mnd2:61.9 visamaṁ kāmesumicchācāraṁ visamoti jāneyya,

mnd2:61.10 visamaṁ musāvādaṁ visamoti jāneyya,

mnd2:61.11 visamaṁ pisuṇaṁ vācaṁ visamāti jāneyya,

mnd2:61.12 visamaṁ pharusaṁ vācaṁ visamāti jāneyya,

mnd2:61.13 visamaṁ samphappalāpaṁ visamoti jāneyya,

mnd2:61.14 visamaṁ abhijjhaṁ visamāti jāneyya,

mnd2:61.15 visamaṁ byāpādaṁ visamoti jāneyya,

mnd2:61.16 visamaṁ micchādiṭṭhiṁ visamāti jāneyya,

mnd2:61.17 visame saṅkhāre visamāti jāneyya,

mnd2:61.18 visame pañca kāmaguṇe visamāti jāneyya,

mnd2:61.19 visame pañca nīvaraṇe visamāti jāneyya ājāneyya vijāneyya paṭivijāneyya paṭivijjheyya.

mnd2:61.20 <b>Loke</b>ti apāyaloke …pe… āyatanaloketi—

mnd2:61.21 yaṁ kiñci jaññā visamanti loke.