mnd15:190.1 <b>Anejo sabbadhī samo</b>ti.
BAGIAN 190
mnd15:190.2 <b>Ejā</b> vuccati taṇhā.
mnd15:190.3 Yo rāgo sārāgo …pe… abhijjhā lobho akusalamūlaṁ.
mnd15:190.4 Yassesā ejā taṇhā pahīnā samucchinnā …pe… ñāṇagginā daḍḍhā, so vuccati anejo.
mnd15:190.5 Ejāya pahīnattā anejo.
mnd15:190.6 So lābhepi na iñjati, alābhepi na iñjati, yasepi na iñjati, ayasepi na iñjati, pasaṁsāyapi na iñjati, nindāyapi na iñjati, sukhepi na iñjati, dukkhepi na iñjati, na calati na vedhati nappavedhati na sampavedhatīti—
mnd15:190.7 anejo.
mnd15:190.8 <b>Sabbadhī samo</b>ti <b>sabbaṁ</b> vuccati dvādasāyatanāni.
mnd15:190.9 Cakkhu ceva rūpā ca …pe…
mnd15:190.10 mano ceva dhammā ca.
mnd15:190.11 Yato ajjhattikabāhiresu āyatanesu chandarāgo pahīno hoti ucchinnamūlo tālāvatthukato anabhāvaṅkato āyatiṁ anuppādadhammo, so vuccati sabbadhi samo.
mnd15:190.12 So sabbattha tādi sabbattha majjhatto sabbattha upekkhakoti—
mnd15:190.13 anejo sabbadhī samo.