mnd15:143.1 <b>Yodha kāme accatari, saṅgaṁ loke duraccayan</b>ti.
BAGIAN 143
mnd15:143.2 <b>Yo</b>ti yo yādiso yathāyutto yathāvihito yathāpakāro yaṁ ṭhānappatto yaṁ dhammasamannāgato khattiyo vā brāhmaṇo vā vesso vā suddo vā gahaṭṭho vā pabbajito vā devo vā manusso vā.
mnd15:143.3 <b>Kāmā</b>ti uddānato dve kāmā—
mnd15:143.4 vatthukāmā ca kilesakāmā ca …pe…
mnd15:143.5 ime vuccanti vatthukāmā …pe…
mnd15:143.6 ime vuccanti kilesakāmā.
mnd15:143.7 <b>Saṅgā</b>ti satta saṅgā—
mnd15:143.8 rāgasaṅgo, dosasaṅgo, mohasaṅgo, mānasaṅgo, diṭṭhisaṅgo, kilesasaṅgo, duccaritasaṅgo.
mnd15:143.9 <b>Loke</b>ti apāyaloke manussaloke devaloke khandhaloke dhātuloke āyatanaloke.
mnd15:143.10 <b>Saṅgaṁ loke duraccayan</b>ti.
mnd15:143.11 Yo kāme ca saṅge ca loke duraccaye durativatte duttare duppatare dussamatikkame dubbītivatte atari uttari patari samatikkami vītivattayīti—
mnd15:143.12 yodha kāme accatari, saṅgaṁ loke duraccayaṁ.