mnd14:170.1 <b>Kayavikkaye na tiṭṭheyyā</b>ti.
BAGIAN 170
mnd14:170.2 Ye kayavikkayā vinaye paṭikkhittā na te imasmiṁ atthe adhippetā.
mnd14:170.3 Kathaṁ kayavikkaye tiṭṭhati?
mnd14:170.4 Pañcannaṁ saddhiṁ pattaṁ vā cīvaraṁ vā aññaṁ vā kiñci parikkhāraṁ vañcaniyaṁ vā karonto udayaṁ vā patthayanto parivatteti.
mnd14:170.5 Evaṁ kayavikkaye tiṭṭhati.
mnd14:170.6 Kathaṁ kayavikkaye na tiṭṭhati?
mnd14:170.7 Pañcannaṁ saddhiṁ pattaṁ vā cīvaraṁ vā aññaṁ vā kiñci parikkhāraṁ na vañcaniyaṁ vā karonto na udayaṁ vā patthayanto parivatteti.
mnd14:170.8 Evaṁ kayavikkaye na tiṭṭhati.
mnd14:170.9 <b>Kayavikkaye na tiṭṭheyyā</b>ti.
mnd14:170.10 Kayavikkaye na tiṭṭheyya na santiṭṭheyya, kayavikkayaṁ pajaheyya vinodeyya byantiṁ kareyya anabhāvaṁ gameyya, kayavikkayā ārato assa virato paṭivirato nikkhanto nissaṭo vippamutto visaññutto vimariyādikatena cetasā vihareyyāti—
mnd14:170.11 kayavikkaye na tiṭṭheyya.