mnd11:20.1 <b>Ye cāpi lobhā vicaranti loke</b>ti.
BAGIAN 20
mnd11:20.2 <b>Ye cāpī</b>ti khattiyā ca brāhmaṇā ca vessā ca suddā ca gahaṭṭhā ca pabbajitā ca devā ca manussā ca.
mnd11:20.3 <b>Lobhā</b>ti yo lobho lubbhanā lubbhitattaṁ sārāgo sārajjanā sārajjitattaṁ abhijjhā lobho akusalamūlaṁ.
mnd11:20.4 <b>Vicarantī</b>ti vicaranti viharanti iriyanti vattanti pālenti yapenti yāpenti.
mnd11:20.5 <b>Loke</b>ti apāyaloke manussaloke devaloke khandhaloke dhātuloke āyatanaloketi—
mnd11:20.6 ye cāpi lobhā vicaranti loke.