mnd10:17.1 <b>Akkodhano asantāsī</b>ti.
BAGIAN 17
mnd10:17.2 <b>Akkodhano</b>ti yañhi kho vuttaṁ.
mnd10:17.3 Api ca kodho tāva vattabbo.
mnd10:17.4 Dasahākārehi kodho jāyati—
mnd10:17.5 “anatthaṁ me acarī”ti kodho jāyati,
mnd10:17.6 “anatthaṁ me caratī”ti kodho jāyati,
mnd10:17.7 “anatthaṁ me carissatī”ti kodho jāyati,
mnd10:17.8 “piyassa me manāpassa anatthaṁ acari …
mnd10:17.9 anatthaṁ carati …
mnd10:17.10 anatthaṁ carissatī”ti kodho jāyati,
mnd10:17.11 “appiyassa me amanāpassa atthaṁ acari …
mnd10:17.12 atthaṁ carati …
mnd10:17.13 atthaṁ carissatī”ti kodho jāyati,
mnd10:17.14 aṭṭhāne vā pana kodho jāyati.
mnd10:17.15 Yo evarūpo cittassa āghāto paṭighāto, paṭighaṁ paṭivirodho, kopo pakopo sampakopo, doso padoso sampadoso, cittassa byāpatti manopadoso, kodho kujjhanā kujjhitattaṁ, doso dussanā dussitattaṁ, byāpatti byāpajjanā byāpajjitattaṁ, virodho paṭivirodho caṇḍikkaṁ, asuropo anattamanatā cittassa—
mnd10:17.16 ayaṁ vuccati kodho.