mnd10:111.1 <b>Bhavāya vibhavāya vā, taṇhā yassa na vijjatī</b>ti.
BAGIAN 111
mnd10:111.2 <b>Taṇhā</b>ti rūpataṇhā saddataṇhā gandhataṇhā rasataṇhā phoṭṭhabbataṇhā dhammataṇhā.
mnd10:111.3 <b>Yassā</b>ti arahato khīṇāsavassa.
mnd10:111.4 <b>Bhavāyā</b>ti bhavadiṭṭhiyā, <b>vibhavāyā</b>ti vibhavadiṭṭhiyā;
mnd10:111.5 <b>bhavāyā</b>ti sassatadiṭṭhiyā, <b>vibhavāyā</b>ti ucchedadiṭṭhiyā;
mnd10:111.6 <b>bhavāyā</b>ti punappunabbhavāya punappunagatiyā punappunaupapattiyā punappunapaṭisandhiyā punappunaattabhāvābhinibbattiyā.
mnd10:111.7 Taṇhā yassa natthi na santi na saṁvijjati nupalabbhati, pahīnā samucchinnā vūpasantā paṭipassaddhā abhabbuppattikā ñāṇagginā daḍḍhāti—
mnd10:111.8 bhavāya vibhavāya vā taṇhā yassa na vijjati.