Buddhavagga

mil6.1.7:3.1 “Ruhati, mahārāja, sukaṭṭhe sukalale maṇḍakhette sāradaṁ sukhasayitaṁ bījan”ti?

mil6.1.7:3.2 “Āma, bhante”ti.

mil6.1.7:3.3 “Api nu, mahārāja, taññeva bījaṁ ghanaselasilātale ruheyyā”ti?

mil6.1.7:3.4 “Na hi, bhante”ti.

mil6.1.7:3.5 “Kissa pana, mahārāja, taññeva bījaṁ kalale ruhati, kissa ghanasele na ruhatī”ti?

mil6.1.7:3.6 “Natthi, bhante, tassa bījassa ruhanāya ghanasele hetu, ahetunā bījaṁ na ruhatī”ti.

mil6.1.7:3.7 “Evameva kho, mahārāja, yena hetunā tassa dhammābhisamayo bhaveyya, so tassa hetu samucchinno, ahetunā dhammābhisamayo na hoti.