mil5.4.6:4.1 Yasmiṁ, mahārāja, khaṇe puggalo mettaṁ samāpanno hoti, na tassa puggalassa tasmiṁ khaṇe aggi vā visaṁ vā satthaṁ vā kamati.
BAGIAN 4
mil5.4.6:4.2 Tassa ye keci ahitakāmā upagantvā taṁ na passanti, na tasmiṁ okāsaṁ labhanti.
mil5.4.6:4.3 Nete, mahārāja, guṇā puggalassa, mettābhāvanāyete guṇā.
mil5.4.6:4.4 Idha, mahārāja, puriso saṅgāmasūro abhejjakavacajālikaṁ sannayhitvā saṅgāmaṁ otareyya, tassa sarā khittā upagantvā patanti vikiranti, na tasmiṁ okāsaṁ labhanti, neso, mahārāja, guṇo saṅgāmasūrassa, abhejjakavacajālikāyeso guṇo, yassa sarā khittā upagantvā patanti vikiranti.
mil5.4.6:4.5 Evameva kho, mahārāja, nete guṇā puggalassa, mettābhāvanāyete guṇā.