mil5.4.1:1.1 “Bhante nāgasena, bhāsitampetaṁ bhagavatā—
BAGIAN 1
mil5.4.1:1.2 ‘etadaggaṁ, bhikkhave, mama sāvakānaṁ bhikkhūnaṁ iddhimantānaṁ yadidaṁ mahāmoggallāno’ti.
mil5.4.1:1.3 Puna ca kira so laguḷehi paripothito bhinnasīso sañcuṇṇitaṭṭhimaṁsadhamanichinnaparigatto parinibbuto.
mil5.4.1:1.4 Yadi, bhante nāgasena, thero mahāmoggallāno iddhiyā koṭiṁ gato, tena hi laguḷehi pothito parinibbutoti yaṁ vacanaṁ, taṁ micchā.
mil5.4.1:1.5 Yadi laguḷehi paripothito parinibbuto, tena hi iddhiyā koṭiṁ gatoti tampi vacanaṁ micchā.
mil5.4.1:1.6 Kiṁ na samattho iddhiyā attano upaghātaṁ apanayituṁ, sadevakassapi lokassa paṭisaraṇaṁ bhavituṁ arahoti?
mil5.4.1:1.7 Ayampi ubhato koṭiko pañho tavānuppatto, so tayā nibbāhitabbo”ti.