mil5.3.8:1.1 “Bhante nāgasena, tumhe bhaṇatha—
BAGIAN 1
mil5.3.8:1.2 ‘bhagavato gacchantassa ayaṁ acetanā mahāpathavī ninnaṁ unnamati, unnataṁ onamatī’ti, puna ca bhaṇatha—
mil5.3.8:1.3 ‘bhagavato pādo sakalikāya khato’ti.
mil5.3.8:1.4 Yā sā sakalikā bhagavato pāde patitā, kissa pana sā sakalikā bhagavato pādā na nivattā.
mil5.3.8:1.5 Yadi, bhante nāgasena, bhagavato gacchantassa ayaṁ acetanā mahāpathavī ninnaṁ unnamati, unnataṁ onamati, tena hi ‘bhagavato pādo sakalikāya khato’ti yaṁ vacanaṁ, taṁ micchā.
mil5.3.8:1.6 Yadi bhagavato pādo sakalikāya khato, tena hi ‘bhagavato gacchantassa ayaṁ acetanā mahāpathavī ninnaṁ unnamati unnataṁ onamatī’ti tampi vacanaṁ micchā.
mil5.3.8:1.7 Ayampi ubhato koṭiko pañho tavānuppatto, so tayā nibbāhitabbo”ti.