mil5.1.9:5.1 Api ca kho, mahārāja, tathāgatā santaṁ sukhaṁ samāpattiratiṁ anubhavitukāmā paṭisallānaṁ sevanti pariyositasaṅkappā.
BAGIAN 5
mil5.1.9:5.2 Catūhi kho, mahārāja, kāraṇehi tathāgatā paṭisallānaṁ sevanti.
mil5.1.9:5.3 Katamehi catūhi?
mil5.1.9:5.4 Vihāraphāsutāyapi, mahārāja, tathāgatā paṭisallānaṁ sevanti, anavajjaguṇabahulatāyapi tathāgatā paṭisallānaṁ sevanti, asesaariyavīthitopi tathāgatā paṭisallānaṁ sevanti, sabbabuddhānaṁ thutathomitavaṇṇitapasatthatopi tathāgatā paṭisallānaṁ sevanti.
mil5.1.9:5.5 Imehi kho, mahārāja, catūhi kāraṇehi tathāgatā paṭisallānaṁ sevanti.
mil5.1.9:5.6 Iti kho, mahārāja, tathāgatā paṭisallānaṁ sevanti na sakaraṇīyatāya, na katassa vā paticayāya, atha kho guṇavisesadassāvitāya tathāgatā paṭisallānaṁ sevantī”ti.
mil5.1.9:5.7 “Sādhu, bhante nāgasena, evametaṁ tathā sampaṭicchāmī”ti.