7. Cakkhuviññāṇādipañha

mil3.3.7:7.1 “Kathaṁ, bhante nāgasena, dvārattā yattha cakkhuviññāṇaṁ uppajjati, tattha manoviññāṇampi uppajjati?

mil3.3.7:7.2 Opammaṁ karohī”ti.

mil3.3.7:7.3 “Taṁ kiṁ maññasi, mahārāja, rañño paccantimaṁ nagaraṁ assa daḷhapākāratoraṇaṁ ekadvāraṁ, tato puriso nikkhamitukāmo bhaveyya, katamena nikkhameyyā”ti?

mil3.3.7:7.4 “Dvārena, bhante, nikkhameyyā”ti.

mil3.3.7:7.5 “Athāparo puriso nikkhamitukāmo bhaveyya, katamena so nikkhameyyā”ti?

mil3.3.7:7.6 “Yena, bhante, purimo puriso nikkhanto, sopi tena nikkhameyyā”ti.