6. Nāmarūpaekattanānattapañha

mil3.2.6:1.1 Rājā āha—

mil3.2.6:1.2 “bhante nāgasena, ko paṭisandahatī”ti?

mil3.2.6:1.3 Thero āha—

mil3.2.6:1.4 “nāmarūpaṁ kho, mahārāja, paṭisandahatī”ti.

mil3.2.6:1.5 “Kiṁ imaṁyeva nāmarūpaṁ paṭisandahatī”ti?

mil3.2.6:1.6 “Na kho, mahārāja, imaṁyeva nāmarūpaṁ paṭisandahati, iminā pana, mahārāja, nāmarūpena kammaṁ karoti sobhanaṁ vā pāpakaṁ vā, tena kammena aññaṁ nāmarūpaṁ paṭisandahatī”ti.

mil3.2.6:1.7 “Yadi, bhante, na imaṁ yeva nāmarūpaṁ paṭisandahati, nanu so mutto bhavissati pāpakehi kammehī”ti?

mil3.2.6:1.8 Thero āha—

mil3.2.6:1.9 “yadi na paṭisandaheyya, mutto bhaveyya pāpakehi kammehi.

mil3.2.6:1.10 Yasmā ca kho, mahārāja, paṭisandahati, tasmā na mutto pāpakehi kammehī”ti.