Pucchāniddesa

cnd5:24.1 <b>Yāni sotāni lokasmin</b>ti yāni etāni sotāni mayā kittitāni pakittitāni ācikkhitāni desitāni paññapitāni paṭṭhapitāni vivaritāni vibhajitāni uttānīkatāni pakāsitāni, seyyathidaṁ—

cnd5:24.2 taṇhāsoto diṭṭhisoto kilesasoto duccaritasoto avijjāsoto.

cnd5:24.3 <b>Lokasmin</b>ti apāyaloke manussaloke devaloke khandhaloke dhātuloke āyatanaloketi—

cnd5:24.4 yāni sotāni lokasmiṁ.

cnd5:24.5 <b>Ajitā</b>ti bhagavā taṁ brāhmaṇaṁ nāmena ālapati.