cnd23:235.1 <b>Khiḍḍaṁ ratiṁ kāmasukhañca loke</b>ti.
BAGIAN 235
cnd23:235.2 <b>Khiḍḍā</b>ti dve khiḍḍā—
cnd23:235.3 kāyikā khiḍḍā ca vācasikā khiḍḍā ca …pe…
cnd23:235.4 ayaṁ kāyikā khiḍḍā …pe…
cnd23:235.5 ayaṁ vācasikā khiḍḍā.
cnd23:235.6 <b>Ratī</b>ti anukkaṇṭhitādhivacanametaṁ—
cnd23:235.7 ratīti.
cnd23:235.8 <b>Kāmasukhan</b>ti vuttañhetaṁ bhagavatā—
cnd23:235.9 “pañcime, bhikkhave, kāmaguṇā.
cnd23:235.10 Katame pañca?
cnd23:235.11 Cakkhuviññeyyā rūpā iṭṭhā kantā manāpā piyarūpā kāmūpasaṁhitā rajanīyā,
cnd23:235.12 sotaviññeyyā saddā …pe…
cnd23:235.13 ghānaviññeyyā gandhā …
cnd23:235.14 jivhāviññeyyā rasā …
cnd23:235.15 kāyaviññeyyā phoṭṭhabbā iṭṭhā kantā manāpā piyarūpā kāmūpasaṁhitā rajanīyā.
cnd23:235.16 Ime kho, bhikkhave, pañca kāmaguṇā.
cnd23:235.17 Yaṁ kho, bhikkhave, ime pañca kāmaguṇe paṭicca uppajjati sukhaṁ somanassaṁ, idaṁ vuccati kāmasukhaṁ”.
cnd23:235.18 <b>Loke</b>ti manussaloketi—
cnd23:235.19 khiḍḍaṁ ratiṁ kāmasukhañca loke.