cnd17:13.1 <b>Pāraguṁ sabbadhammānan</b>ti bhagavā sabbadhammānaṁ abhiññāpāragū pariññāpāragū pahānapāragū bhāvanāpāragū sacchikiriyāpāragū samāpattipāragū.
BAGIAN 13
cnd17:13.2 Abhiññāpāragū sabbadhammānaṁ, pariññāpāragū sabbadukkhānaṁ, pahānapāragū sabbakilesānaṁ, bhāvanāpāragū catunnaṁ maggānaṁ, sacchikiriyāpāragū nirodhassa, samāpattipāragū sabbasamāpattīnaṁ.
cnd17:13.3 So vasippatto pāramippatto ariyasmiṁ sīlasmiṁ;
cnd17:13.4 vasippatto pāramippatto ariyasmiṁ samādhismiṁ;
cnd17:13.5 vasippatto pāramippatto ariyāya paññāya;
cnd17:13.6 vasippatto pāramippatto ariyāya vimuttiyā.
cnd17:13.7 So pāragato pārappatto antagato antappatto koṭigato koṭippatto pariyantagato pariyantappatto vosānagato vosānappatto tāṇagato tāṇappatto leṇagato leṇappatto saraṇagato saraṇappatto abhayagato abhayappatto accutagato accutappatto amatagato amatappatto nibbānagato nibbānappatto.
cnd17:13.8 So vuttavāso ciṇṇacaraṇo …pe… jātimaraṇasaṁsāro natthi tassa punabbhavoti—
cnd17:13.9 pāraguṁ sabbadhammānaṁ.