Pucchāniddesa

cnd15:2.1 <b>Sutvānahaṁ vīramakāmakāmin</b>ti sutvā suṇitvā uggahetvā upadhāretvā upalakkhayitvā.

cnd15:2.2 Itipi so bhagavā arahaṁ …pe… buddho bhagavāti—

cnd15:2.3 sutvānahaṁ.

cnd15:2.4 <b>Vīran</b>ti vīro bhagavā.

cnd15:2.5 Vīriyavāti vīro, pahūti vīro, visavīti vīro, alamattoti vīro, sūroti vīro, vikkanto abhīrū acchambhī anutrāsī apalāyī pahīnabhayabheravo vigatalomahaṁsoti vīro.