Pucchāniddesa

cnd11:18.1 <b>Ye kecime samaṇabrāhmaṇāse</b>ti.

cnd11:18.2 <b>Ye kecī</b>ti sabbena sabbaṁ sabbathā sabbaṁ asesaṁ nissesaṁ pariyādiyanavacanametaṁ—

cnd11:18.3 ye kecīti.

cnd11:18.4 <b>Samaṇā</b>ti ye keci ito bahiddhā pabbajjūpagatā paribbājakasamāpannā.

cnd11:18.5 <b>Brāhmaṇā</b>ti ye keci bhovādikāti—

cnd11:18.6 ye kecime samaṇabrāhmaṇāse.

cnd11:18.7 <b>Iccāyasmā nando</b>ti.

cnd11:18.8 <b>Iccā</b>ti padasandhi …pe….

cnd11:18.9 <b>Āyasmā</b>ti piyavacanaṁ …pe….

cnd11:18.10 <b>Nando</b>ti.

cnd11:18.11 Tassa brāhmaṇassa nāmaṁ …pe… abhilāpoti—

cnd11:18.12 iccāyasmā nando.